>> NRO (ene de AVENO 25)
"Afganio kaj Hirosximo"
Raporto pri la 8a de marto - Internacia Virino-Tago, kiu en
Japanio okazis en la 3a de marto, cxar tiu tago estas por
knabino kaj virino, okazis pupfesto tra Japanio. Ni ricevis
raporton de Sugitani Hiroko, kiu organizis kaj tradukis 14
leterojn de eksterlandaj virinoj el Esperanto en la japanan
lingvon - entute venis 39 el 21 landoj.
La 3-an de marto, Tago por Knabino en Japanio, okazis la
kunveno de ok ne-esperantistaj virinaj organizajxoj por la
Virina Tago, internacie la 8-a de marto, responde al alvoko
de gxen. sekr. de UN. La organiza komitato de la kunveno
publikigis la mesagxojn, kaj aparte prezentis sur muro. En la
kunveno sola esp-istino el la komitato vocxlegis mesagxon,
kiu temis "Afganio kaj Hirosximo".
La organizantoj miris pri multaj mesagxoj, kaj dankis. En du
gazetoj aperis raportoj pri tiuj leteroj.
Plejpartan tempon okupis raporto fare de reprezentanto de
japana volontula servo en "Asocio Pesxavaro".
La cxeestantoj sciigxis, ke bildo pri Afganio, kiun donas
registaroj usona kaj japana estas alia aux mala kontraux la
raporto flanke de la popolo. (laux Osioka Moritaka)
TTT-ejo: www.rawa.org (virina organizajxo de Afganio)


> Virinoj por Paco, Afganio
Por subteni la instruadon de afganaj virinoj kaj geknaboj -
unue rifugxintoj vivantaj en Irano kaj Pakistano kaj poste en
Afganio mem - iranaj esperantistoj kaj UEA lancxis la NROn
"Zaban-e-Salam" (Virino por Paco). Bonvole pagi al la Konto
Espero de UEA: "Lingvo de Paco 1/2/3"

1 = Esperanto kurso

2 = alfabetigo

3 = materia helpo de rifugxintoj.


> Virinaj Rajtoj: La legxaro en Germanio nun enhavas azil-
rajton por virinoj ne nur pro politikaj kauxzoj sed ankaux por
seksrilataj; ekz-e la mutilacio de knabinoj - AVENO raportis pri
tiu krueleco jam plurfoje. Kompreneble Germanio (aux
Euxropo) ne volas altiri homojn el Afriko; do, samtempe
(ekz-e) la Germana Helpo kontraux la Malsato subtenas
porvirinajn NRO-ojn (en Gvineo-Bissauo: "Sinim Mira
Nasseque" - t.s. ni pensu estontece):
Welthungerhilfe.de
Konto 1115 cxe Sparkasse Bonn, Banknumero 380 500 00

> Sanigi aux superi blindecon: La fondajxo Evidente
organizas kolektadon da uzitaj okulvitroj, subtenon de
blindulo-lernejoj kaj la bezonatajn operacioj. Ekzemple vi
povas subteni Evidente pagante al la UEA-konto de Jacques
Tuinder, Henegouwenlaan 35, NL 1966 RH, Heemskerk.
Aux al la blindula kaso de UEA; aux al vialanda organizajxo
(ekz-e en Germanio: CBM, Posxtkonto 653440-101 Berlin,
BLZ 100 100 10).

> Naturprotekto: Global Nature Fund (Tutmonda Naturo-
Funduso) subtenas praktikajn projektojn por vivteni lagojn
kun siaj vivantaroj. Du ekz-oj:

* La Tengis-Lago en centra Kasahxio, malpli granda ol la
Aral-Maro, sed simile grava kaj ankaux endangxerigita. Gxi
servas por migrantaj birdoj kaj por la tie vivantaj agloj,
antilopoj kaj lupoj; temas pri 340 diversaj plantoj, 325 specioj
da birdoj kaj 50 da mambestoj. Kiaj dangxeroj ? La nova kaj
kreskanta cxefurbo Astana uzas la akvon de la rivero Nura,
kiu sole alportas akvon al la lago. Lago sen akvo ne povas
vivteni tiom da bestoj - kaj gxi ne mildigxas la klimato.
Krome grandaj kurento-dratoj endangxerigas la grandajn
birdojn - instali fotovoltaikon evitas tion.

* La Lago Fuquene en Kolumbio, kusxante 2500 m super la
maro, havas similan signifon por speciala vivantaro, kiel ekz-e
fisx-aglo kaj ando-vulpo. La NRO Fundacion Humedales
klopodas konservi gxin, edukante la agrikulturistoj por pli
efike uzi la akvon, kaj nek super-nutri nek venenigi per
pesticidoj la lagon; krome ili planas rearbarigi zonon cxirkaux
la lago.
La subfako de GNF Vivantaj Lagoj kaj NABU agas en
Germanio (ekz-e pri la cxeborda regiono kun malsekaj
arbaroj cxe la rivero Elbe/Labe, kie vivas ranoj, kastoroj,
cikonioj ktp. kaj plantoj.
Vizitindas iliaj TTT-ejoj:
GNF kaj
NABU

kaj prefere subteni la naturprotektajn organizajxojn en via lando.

> Tutmondigxo: ne nur SAT-anoj partoprenas la kritikon
rilate la tutmondigxo. Simile al Verdpaco (Greenpeace) nun
aktivas ATTAC, subtenado de Tobin-Imposto kaj similaj
temoj, kritikante la Neoliberalismon. En Sennaciulo 1161
(2002-3) trovigxas artikoloj pri Porto Alegre (AVENO 24)
k.a.;  SAT-Esperanto