MANIFESTO POR LA ABOLICIO DE GRASHEPATAĴO

  MANIFESTO POR LA ABOLICIO DE GRASHEPATAĴO

  Kutimo kruela

  Grashepataĵo estas la organo malsana de ansero aux anaso
kropŝtopita   perforte po pluraj fojoj tage per metaltubo
je 20 ĝis 30 centimetroj   enprofundigita en la gorĝon
ĝis la stomako. Por trudi la birdan korpon   produkti
grashepataĵon, la birdo devas engluti dum kelkaj sekundoj
tiom   da maizo, ke ĝia hepato eĉ preskaux dekoble
dikiĝas kaj okazigas   malsanon, steatozon hepatan.
  Baraktante, kiam tubo enprofundiĝas en ĝian
gorĝon aux pro simpla   ezofaga kontrahiĝo kauxzata de
vomemo, la birdo riskas sufokon kaj mortajn   truojn ĉe la
kolo.
  La enprofundiĝo de la tubo lezas la kolon, kie
disvolviĝas doloraj   inflamoj kaj ĝermoj. La trudata
kaj malekvilibra supernutrado estigas   ofte malsanojn ĉe
la digesta aparato potenciale mortajn. Tuj post la   ŝoko
pro kropŝtopado diareoj kaj anheloj suferigas la birdon.
Krome la   dimensioj de ĝia hepato hipertrofiata okazigas
malfacilan spiradon kaj   penigajn movojn.
  Se tiuj traktadoj plu dauxrus, ili okazigus la morton de la
bestoj   kropŝtopataj. La buĉado alvenas
ĝustatempe por kaŝi la konsekvencojn   de
kropŝtopado. La plej malfortaj el ili estas tamen
mortantaj, kiam ili   alvenas ĉe la buĉejo kaj multaj
el ili ne rezistas ĝis tiam : la   mortokvanto de anasoj
estas dekoble ĝis dudekoble pli grava dum la   periodo de
kropŝtopado.

  Densaĵo de suferoj

  Tiu perforto, esence propra al produktado de
grashepataĵo, sufiĉas por   pravigi sian abolicion.
Sed por plimulto el tiuj bestoj la martiriĝo ne
ĉesas ĉe la krueleco de kropŝtopado. Multaj el
ili estas amputataj je   parto de sia beko, sen anestezo, per
pinĉilo aux per simpla tondilo.   En la naturo la anasoj
pasigas longan periodon de sia vivo sur akvo. En   tiuj bredejoj
multaj estas enkarcerigataj en hangaroj kaj en kaĝoj, kie
 iliaj kruroj vundas sin sur kradaĵo.
  La kaĝoj estas tiom malgrandaj, ke la birdoj eĉ ne
povas turni sin, eĉ   pli malfacile stari aux disetendi la
flugilojn. El tiuj, kiuj plu vivas   ĝis buĉotago,
multaj havas ostojn rompitajn, kiam ili estas movataj,
manipulataj kaj fine alkroĉataj kun la kapo malsupren por
esti   elektrokutataj poste tranĉataj ĉe la
gorĝo. La anasinoj, ĉar ili   produktas hepataĵon
pli vejnoplenan ol la viranasoj, estas plej ofte   dispistataj
ankoraux vivantaj aux gasumataj iom post sia naskiĝo.
  Plezuro por unuj pagata de aliuj per sufero

  Kiel la simpla plezuro, kiun oni havas manĝi ĝian
hepaton pravigas   okazigi tiom mizeran vivon al estulo sensiva
kiu, kiel ni, sentas doloron   kaj angoregon ? Ĉu la fakto,
ke ĝi apartenas al specio alia ol la nia   pravigas resti
surda al ĝia sufero kaj muta antaux la malmoraleco de tiu
 sklavigo ? Ekzistas leĝoj kaj regularoj, kiuj protektas la
bestojn   kontraux tiuj perfortaĵoj kaj brutalaĵoj.
Tiuj tekstoj estas ignorataj   por la pli ol 30 milionoj el ili,
kiuj plejparte en Francujo, estas uzataj   ĉiujare por
grashepataĵo. Oni diras al ni, ke la "suferoj necesaj"
estas   akcepteblaj. Sed la konsumado de tiu produktaĵo ne
prezentas econ de   neceso. Neniu, eĉ tiuj, kiuj profitas
de tiu komerco, auxdacas tion   aserti.
  Dum la kilogramprezo estas ĉiam pli malalta por
konsumanto, grashepataĵo   estas produktaĵo multekoste
pagata de bestoj, kies korpo uzata tiel, kiel
produktomaŝino estas propravole malsanigata.
Grashepataĵo estas ankaux   produktaĵo pli kaj pli
multekosta por Francujo, al kiu ĝi donas bildon   de popolo
malprogresema dum pluraj landoj malpermesas ĝian
produktadon.   Kiel oni ankoraux povas plu konsiderigi
ĝentileca tradicio kruelegan   kutimon, kiu konsistas
enprofundigi en la gorĝon de besto enkaĝigata
pintingon de funelo aux de pneuxmatika pumpilo ?

  La malpermeso de grashepataĵo : al nutrado-etiko

  Kiel civitanoj de lando civilizita, konstatante, ke la
produktado de   grashepataĵo necesigas malrespekti la
interesojn de la besto uzata por   produkti ĝin :
  * Ni petas de tiuj, kiuj kropŝtopas anserojn kaj anasojn
ĉesi fari tiujn   mistraktadojn perfortajn. Ke ili havas
neniun intencon kruelan kontraux la   bestoj kropŝtopataj
neniel malpliigas la suferon, kiun ili okazigas.   * Ni petas de
tiuj, kiuj tiras profiton el grashepataĵo, sen iu etika
konsidero, ĉesigi sian partoprenon en tiu fikomerco.
  * Ni petas al sciencaj kaj veterinaraj auxtoritatuloj sincere
zorgoplenaj   je bonfarto de bestoj havi la kuraĝon,
malgraux premoj politikaj kaj   ekonomikaj, maljesigi la
metodojn de produktado de grashepataĵo.   * Ni petas de la
justico rememorigi pri la leĝoj kaj regularoj, kiuj
fiksas limon al la sufero, kiun oni rajtas trudi al estulo
sensiva kaj do   pri la neleĝeco de produktado de
grashepataĵo.
  * Ni petas de niaj reprezentantoj leĝfari definitive por
ĉesigi en   Euxropo fikutimon el praepoko.
  Kiel konsumantoj decidemaj enkonduki etikon en nian teleron
kaj   konstatante, ke tiuj suferoj ekzistas nur por doni
plezuron al onia   palato, ni rifuzas aĉeti kaj konsumi
tiujn malsanajn hepatojn el bestoj   torturitaj.

  Subskribu la manifeston por apogi tiun kampanjon ĉe la
retpaĝaro jena :   http://www.stopgavage.com/