La Balta maro en Danĝero

Informo kaj peto de Leo de Cooman:

Stato de Europaj maroj daure malboniĝas. Jam proksimas la
nivelo de malpuriĝo super kio eĉ malgranda
katastrofeto povas kauzi procedon de elmorto. Precipe
dandĝerigita estar La Balta Maro ĉar ĝiaj ligoj
kun oceano estas tiom malfortaj ke natura repuriĝo postulas
longegan tempon. Jam nun la fundo de la maro (la plej profunda
tavolo) estas morta. Nun aperis novaj ekonomiaj internaciaj
komercaj projektoj kiuj reale kreskigas riskon murdi la maron.
Rigardu
Balticsea.lt

Vi povas elekti el multaj lingvoj (supre - bonvolu subskribi
ĝin.

Teksto el esperanto-l@esperanto.org
esperanto-l (che) esperanto.org

supozeble de Peeter Aitai


Jen Esperanta traduko de la menciita paĝo (el la germana):

Ni savu la Baltan Maron antaŭ ol estas tro malfrue

La Balta Maro estas nia komuna valora posedo - Mare Nostrum de
la Eŭropa Unio. Multajn jarojn ni tro malmulte okupis nin
pri la situacio de la ekologia sistemo de la Balta Maro, kaj
ĝi fariĝis pli kaj pli kriza. Intertempe ni konscias,
ke ĉiu el ni dependas de la bonfarto de la Balta Maro. Kun
la aljuĝo al ĝi de la internacie agnoskita stato de
aparte sentema maro la ŝtatoj ĉe la Balta Maro devigis
sin redukti siajn komercajn interesojn por ke la ununura,
intertempe senfortiĝinta Balta Maro restos por la venontaj
generacioj.

Sed nova vasta projekto povas havi neripareblajn sekvojn por la
Balta Maro. La gas-entreprenoj intencas konstrui 1200 km longan
gastubon trans la Baltan Maron kaj okaze de tio fosi kaj
eksplodigi la margrundon. La eblaj sekvoj de la Nord-Stream-
gastuba projekto levas profundajn motivitajn zorgojn.

La polua nivelo de la Balta Maro estas aparte alta. Sur la
marfundo ekzistas mortaj zonoj/tavoloj, en kiuj la poluo estas
tiel alta, ke la vivo tie havas neniun ŝancon. Post la Dua
Mondmilito oni mergis en la Baltan Maron pli ol 290.000 tunojn
da batalsubstanca municio, kiuj enhavas 14 specojn de venenaj
substancoj. Pli ol 35.000 tunoj da batalsubstanca municio
kuŝas proksime al Gotlando kaj Bornholmo. Proksimume 5.000
tunoj da mustardgasaj bomboj estis mergitaj 70 km for

de la latva urbo Liepaja. Sed oni ne konas ĉiujn stokejojn.

Krome la akvo de la Balta Maro enhavas radioaktivajn
substancojn, sur la grundo kuŝas sinkintaj submarŝipoj
kun atomreaktoroj kaj aliaj venenaj substancoj. En la Balta Maro
kuŝas konteneroj kun mortiga mustarda gaso, nerva
batalsubstanco Tabun kaj pulmo-iritanta fosgeno. Per la konstruo
de la gastubo oni lozigas tiujn aktuale trankvile kuŝantajn
batalsubstancojn kaj krome ankaŭ plumbon, fosforon,
hidrargon kaj kadmion kaj ebligas al ili disvastiĝi en la
tuta Balta Maro. Tio havos apenaŭ kalkuleblajn sekvojn por
la ekologia sistemo, por la planta kaj besta regnoj de la Balta
Maro. Tio trafos ankaŭ la homojn, ĉefe tra la
manĝoĉeno.

Se oni devas decidi inter ekonomiaj kaj ekologiaj interesoj, oni
decidas kutime por ekonomiaj avantaĝoj, kaj la
mediprotektado perdas. Tiu ĉi kazo ne estas escepto. La
Nord-Stream-gastuba projekto estas la unua granda tia projekto
en la Balta Maro. Ĝis nun ankoraŭ neniu riskis la
ekologian sistemon de la Balta Maro pro ekonomiaj
avantaĝoj.

Ni alvokas al ĉiuj homoj de bona volo esprimi sian opinion
pri la senrespondeca agado de la politikistoj kaj de la
entreprenistoj kaj postuli konvinkan respondon, kiel granda
estas la endanĝerigo de la Balta Maro kaj de la 85 milionoj
da enloĝantoj en la Baltmara regiono per tiu projekto.

Ni alvokas al ĉiuj EU-institucioj kaj naciaj registaroj,
ekigi sendependan studon, kiu esploru la mediinfluon de la Nord-
Stream-gastuba projekto, kiu povas kaŭzi ekologian
katastrofon por la Balta Maro, por Mare Nostrum de EU.

(butono:) Subskribu elektronike

Kontakto:
Radvile Morkunaite
mob 8 688 278 50
Radvile Morkunaite