Aktiva en la Triangula Lando
BUND Regiona ligo Suda Supra Rejno en Frejburgo

Nia tasko:
La blua planedo. Ne necesas flugi en la kosmon por vidi kiom
bela estas la Tero. Bela, sentema kaj minacata. La Tero bezonas
amikojn. Homoj, kiuj pledas favore al la naturo kaj medio.
Chirkau 10.000 membroj en la regiono "Suda Supra Rejno" chirkau
Frejburgo (inter Achern (norde) kaj Müllheim (sude), entute
distanco de preskau 100 km subtenas nian asocion pere de kotizoj
kaj nepagita laboro por konservi niajn naturajn vivo-bazojn.

Nia forto estas la aktiveco de 40 komunumaj grupoj en tiu-chi
regiono:

Praktika engaghigho por protekti la naturon (ekz-e):
     Falchi herbejojn kaj flegi la pejzaghon
     Protekti birdojn, vespertojn kaj amfibiojn

Informado pri naturmediaj temoj:
     Medi-rilata edukado por infanoj kaj junuloj
     Komentarioj pri medio-dangheraj planoj
     Preventi troan drenadon de la kampoj
     Protestagoj kontrau nukleaj centraloj
     Preventi la misuzon de genteknikaj manipuladoj
     Subteni konsilon kaj protekton de la konsumantoj

La endangherigataj balenoj en la oceanoj estas same gravaj al
niaj lokaj grupoj kiel la endangherigata arbo kaj la lasta
habitato de vespertoj en iu urba kvartalo. Ilia devizo estas:
pensi tutmonde kaj agi surloke. Chiu bufo portita trans iu
strato, chiu arbo preventita kontrau sennecesa faligo, chiu
biotopo protektita pere de nia agado, signifas sukceson.
Aparte tiu-chi pasio por la malgrandaj kreaturoj diferencighas
la laboron de BUND kontrau aliaj organizajhoj kiel Verdpaco
(Greenpeace). Kroma parto de nia laboro estas la natur-media
edukado en la "BUND-Oekostation" (bela kaj agrabla ligna
konstruajho en Frejburgo, Seepark). Vi trovos multe da informoj
pri nia laboro en la germana sub: www.bund-freiburg.de

Mediaj problemoj antau nia domopordo
Nia hejmregiono inter Rejno kaj Nigra Arbaro estas bela. Ankorau
tie trovighas orkideaj herbejoj, raraj alcionoj en apudriveraj
herbejoj che Wyhl kaj senbruaj arbaroj. Ni ghojas/fieras, ke nia
regiona oficejo situas en la "Ekologia Chefurbo" Frejburgo char
BUND kunlaboris por atingi tiun-chi "titolon" por Frejburgo. Ghi
ne signifas "Antauen al ekologio kaj daurigebla pensmaniero".
Ghi signifas, ke chi-tie la detruaj procesoj malpli rapide pasas
ol aliloke. Tamen ankau chi-tie la naturo estas forpushata: La
habitatoj de endangherigataj specioj malgrandighas. Tio ankau
endangherigas la vivokvaliton de la homoj kiuj vivas chi-tie. La
regiono Suda Supra Rejono ighas densighanta zono kaj pli kaj pli
da areoj estas uzataj nenature. Mediaj problemoj pliighas. En la
najbara Alsaco laulonge de la Rejno formighas pezindustria zono.
La teknikaj problemoj en la alsaca nuklea centralo Fessenheim
kreskas kaj je la Alta Rejno Svisio planas finan stokejon por
nuklea rubajho. Je la chefa europa sud-norda trafik-akso ni
travivas la problemojn de socio, kiu vivas super siaj bezonajhoj
kaj endangherighas sian propran estontecon. Tion oni devas
shanghi.

Amikoj de la Tero en Germanio
BUND estas la germana brancho de la Amikoj de la Tero en
Germanio. Establita en 1975 kiel federacio de ekzistantaj
regionaj grupoj BUND originas en la natur-konservanta movado. En
Germanio chirkau 375.000 homoj estas membroj kaj subtenantoj de
BUND (Ligo por naturo kaj medio en Germanio); ili aktivas en ch.
2.200 lokaj kaj regionaj grupoj sur chiuj natur-mediaj temoj kaj
tiel BUND estas bone agnoskita lobianto kun grava publikeco-
profilo. Chiu-jare BUND kampanjas por specifaj temoj por
promocii la naturo-protektadon, ekz-e la ekologian imposto-
reformon kaj shanghi la kutiman agrikulturan politikon. Surbaze
de la lokaj grupoj BUND povas mobilizi amason da homoj sur nacia
nivelo kiam necesas. Internacie BUND laboras sur la klimato-
politiko. BUND ankau havas junularan branchon, BUND-Jugend, kiu
konsistas el junaj homoj ghis 25-jaraghaj kun propraj agadoj kaj
kampanjoj. Pli da informo en la angla sur: 

BUND (en)

(Teksto: Axel Mayer, BUND Südlicher Oberrhein; traduko:
Manfred Westermayer)


 


Returne al Ligoj 
Returne al la Enirejo

 Asocio de Verduloj Esperantistaj (AVE)