Euxropa Federacio de Verdaj Partioj
Programaj Gvidlinioj
Komuna Sekureco

II    KOMUNA SEKURECO

1    PACO ESTAS NEDIVIDEBLA

1.1  Tro longtempe sekureco estis ekskluzive ligita al la milita
     ekvilibro de potenco kaj de la uzo de perforta devigo kaj
     perfortego cxe la solvo de internaciaj konfliktoj. Sed
     sekureco estas ne plu difinebla per militaj terminoj. La
     euxropaj Verduloj komencas kun pli larga, ampleksa koncepto
     de sekureco, kiu inkluzivas sociajn, ekonomiajn,
     ekologiajn, psikologiajn kaj kulturajn aspektojn. Sekve
     niaj planoj koncentrigxas je la preventado de militaj
     konfliktoj,  je la forigado de kauxzoj de militoj, kaj je
     la evoluado de pacema dissolvigxo de la konfliktoj.
     Investado en la batalon kontraux rasismo, en la komprenadon
     kaj respektadon de aliaj kulturoj kaj, antaux cxio, en la
     forigo de tutmonda malricxeco estus la plej forta kaj la
     plej efektiva longtempa sekurecplano de Euxropo.

2    PACO DEVAS ESTI ORGANIZATA

2.1  Kaj ene de Euxropo kaj tutmonde ekzistas multe da komunaj
     problemoj, kiuj povus facile kauxzi novajn militajn
     konfliktojn (ni nur rigardu la deplorindajn okazintajxojn
     en eks-Jugoslavio!). La problemoj de la naturmedia
     malpurigado, landlimaj, etnaj kaj naciaj rivaladoj,
     rimedo-malabundo kaj la disvastigado de armiloj estas ne-
     malimplikeble rilatigitaj, kaj pro tio ili estas nur
     solveblaj en organizata maniero. Ankaux klaras, ke sociaj
     sxangxoj kaj respekto de la internacia legxo estas ne
     altrudebla per milita forto, sed eblas nur far komuna
     akordo.

2.2  Neuxtralaj landoj kapablas roli esence kiel loko por
     negocoj,  informado kaj aktiva konflikto-preventado. Kaj
     tion des pli bone pro ilia pliigita sendependeco de
     militaraj interesoj. Neuxtraleco devas esti kombinita kun
     aktiva solidareco, la preventado de konfliktoj kaj
     nemilitara konfliktsolvo. Ni advokatas kooperativan
     sekureco-sistemon bazita je nemilitaraj rimedoj, en kiuj
     neuxtralaj landoj (registaroj) povas volonte partopreni.

2.3  Por preventi militojn, ni devas organizi la pacon.
     Anstataux kreadi euxropan militan superpotencon, kiel
     antauxvidite de la Maastricht Konvencio, la Euxropaj
     Verduloj evoluigos kooperativajn sekureco-strukturojn en la
     plej diversaj sferoj kaj je diversaj niveloj: lokaj,
     regionalaj, naciaj kaj internaciaj. Tio demandos la
     transigadon de diversaj naciaj fondoj kaj kompetencoj al
     internaciaj kaj regionalaj instancoj.


2.4  La cxefaj sekureco-celoj de la Euxropaj Verduloj en la
     venonta dekado estos:

  a  "nutrado" de libereco kaj demokratio,

  b  mallargxigi la kontraston inter ricxuloj kaj malricxuloj,

  c  justa kaj honesta distribuado kaj subtenebla uzo de naturaj
     resursoj,

  d  protektado de la naturmedioj kaj de la biosfero,

  e  kreado de pan-euxropa sekurecsistemo kiu kapablas preventi,
     administri, kaj resolvi disputojn sen eliro al perforto,

  f  gxenerala kaj kompleta malarmado kiel proponita de la UN.


3    NOVA EUxROPA SEKURECO-SISTEMO

3.1  La fino de la Malvarma Milito prezentas novajn defiojn.
     Teritoriaj, etnaj kaj ekonomiaj konfliktoj minacas pacon
     kaj sekurecon. La sxangxoj en centra kaj orienta Euxropo
     rezultigis diversajn problemojn, kiuj en diversaj landoj
     inkluzivas ekonomian hxaoson, masivan senlaborecon,
     malabundon de konsum-varoj, redukton da registaraj
     provizoj, grandan socian maltrankvilon kaj pliigxantajn
     naciismajn kaj sxovinismajn tendencojn. La antauxaj sovetaj
     trupoj ankoraux ne retirigxis el diversaj fremdaj landoj,
     kaj milita minaco ankoraux uzeblas kiel indirekta argumento
     dum la negocoj. Post la Dua Mondmilito kaj post la
     "Malvarma Milito" Euxropo estas pli ol antauxe plagata de
     militaj konfliktoj.

3.2  Nenia euxropa institucio sole kapablas inicii la solvon de
     tiuj problemoj; aliflanke la aktuale disvolvigxantaj
     "interkrocxigxantaj institucioj" estas grave difektataj
     kauxze de la superregado de la Euxropaj defendo-interesoj
     (NATO = Nord-Atlantika Traktato-Organizajxo kaj WEU =
     Okcident-Euxropa Unuigxo).

3.3  Ni deziras cxesigi NATO-on kaj WEU-on - kiuj malsukcesis
     krei novan strategion cele kunformigxi al la drame
     sxangxita situacio - kaj anstatauxigi ilin per kolektiva
     pan-euxropa sekureco-sistemo, kiu ampleksas cxiujn
     euxropajn landojn; tiu sistemo devas prepari la
     preventadon, administradon kaj solvadon de konfliktoj inter
     kaj en la membro-statoj. En tiu sistemo sekureco-politiko
     estu submetota al plena parlamenta kontrolo, kaj la
     unuranga celo estu la minimumigo de ia ajn perforto dum la
     solvo de konfliktoj. Cxiuj tipoj de arangxo devus esti
     instituciitaj pere de devigaj traktatoj: esploro, mediacio,
     intervenado, konciliado, arbitrado kaj jurisdikcio. Post
     kiam arangxoj estos farataj inter la batalantaj partioj,
     paco estu certigita per la instalado de pacon-sekurantaj
     fortoj sub la gvidado de la UN (Unuigintaj Nacioj); tia
     arangxo estos plene akceptata de la Verduloj. La plej bona
     maniero tiucele  estos la struktura evoluigo de la (KSKE,
     angle: CSCE) Konferenco de Sekureco kaj Kooperado en
     Euxropo 'regionalan sekureco-organizon', kiel menciita en
     artikolo 52 k.sekv. de la UNo cxarto. La fina decido pri la
     KSKE teritorio kiel Kolektiva Euxropa Sekureco Sistemo
     dependos je la kreado de aliaj regionaj sekureco-sistemoj.

3.4  Por ke la KSKE funkciu gxuste, gxi devas posedi
     monrimedojn, kiuj ebligas seriozan plenumigon de la celoj
     konfidenco-kreado, preventado de konfliktoj kaj la kon-
     servadon de la demokratio. La aktuala budgxeto de cxirkaux
     3 milionoj da US-dolaroj estas nura eta frakcio de la
     NATO-budgxeto. Pro tio ni proponas, ke la  NATO-budgxeto,
     ties rimedoj kaj havajxoj estu transigotaj al la KSKE. Ni
     ekspektas, ke cxirkaux la jaro 2000 KSKE estos la primara
     euxropa sekureco sistemo, kaj ke la NATO estos propravole
     disigxita.

3.5  Finfine la euxropaj Verduloj ne antauxvidas ian ajn rolon
     por naciaj militaraj fortoj. Intertempe, ekcepte en la
     okazo de memdefendo, naciaj kapabloj ne estu uzotaj
     sendepende, sed nur kiam mandatota de la KSKE aux de la
     UNo.

3.6  La pliiganta euxropa kooperado ne rezultu en plua degrado
     de la posicio de la Tria Mondo. La euxropa politiko okazas
     ne nur en la orienta-okcidenta dimensio. Multe da euxropaj
     problemoj estas ne izoleblaj de la norda-suda dimensio de
     la mondaj aferoj. Unuagrada problemo de la euxropa sekureco
     estas la interrilatoj de Euxropo kun la mediteranaj sxtatoj
     kaj kun la Mez-Oriento. Ambaux regionoj enhavas problemojn,
     kiuj estos nur solveblaj per kooperativa interkonsento. La
     starigo de "Fortikajxo Euxropo" laux politika, ekonomia kaj
     militara vidpunktoj nur fortigus konfliktfontojn kaj
     komplikigus euxropajn sekureco-aferojn.
     Mediteranaj problemoj devus esti solvitaj je Konferenco por
     Sekureco kaj Kooperativo en la Mediterano. Tia konferenco
     devus okupigxi pri komuna sekureco, konfliktpritraktado kaj
     -solvo, ekonomia kunlaborado, migrado, homaj rajtoj kaj
     ekologia sekureco.

4    MALARMADO

4.1  Nukleaj armiloj ne rolu en verda Euxropo. Nuklea detenado
     rajtigus cxiujn landojn posedi nukleajn armilojn. Pro tio
     ampleksa eksperimento-interdikto kaj la nuklea malarmado de
     Francio, Britio, Rusio, Ukrainio kaj Belorusio havas urgxan
     prioritaton.

4.2  Ni alcelas kontrolon, malpliigon kaj eventuale eliminadon
     de euxropaj eksportadoj de cxia milita, nuklea kaj alia
     "subpremigaj" teknologioj, kaj ni volas konvinki
     ne-euxropajn landojn agadi same. Ni kontrauxstaros sxtatan
     rekomendon kaj subtenon de armiloj-eksportoj kaj la
     financan elspezon por milita esplorado kaj evoluado.

4.3  Tutsame la KSKE devas ludi gravan rolon en ka okazonta
     armilkontrolo kaj malarmado, subtenata per integritaj
     KSKE-institucioj por la administrado kaj  de la verigo- kaj
     la konvertigxo. En la KSKE Sekureco Forumo ni sercxos la
     konkretajn mezurojn cele:

  a  Kompleta interdikto de nukleaj, biologiaj kaj kemiaj
     armiloj. La plej granda dangxero portempe estas la risko,
     ke nukleaj kaj aliaj amasmortigaj armiloj estos
     disvastigitaj. Cxiaj nukleaj provoj estu malpermesitaj kaj
     cxiuj amasmortigaj armiloj devas esti metataj sub la
     kontrolo de UN, kaj la plej eble poste detruataj.

  b  Harmoniado de la diversaj armil-kontrol-devigoj jam
     deciditaj.

  c  Drastaj restrikcioj je le elspezoj por konvenciaj armiloj
     kaj militaraj utiligoj; restrukturado de la restantaj
     konvenciaj fortoj al defendaj militaraj doktrinoj.

  d  Iniciati multflankan malpliigon de armil-negocoj kaj
     kooperacio rilate la ne-disvastigadon de cxiuj kategorioj
     de armiloj.

  e  Kunlaborado cxe la konvertado de la defendo-industrio en
     civilan produktadon.


5    GARANTIOJ POR DEMOKRATIAJ RAJTOJ

5.1  Ni alcelas la inkorporadon de la paragrafoj pri homaj
     rajtoj per multflankaj traktadoj en la naciajn legxojn.

5.2  Cxiu membro de la KSKE submetu al internacia kortumo rilate
     la demokratajn kaj homajn rajtojn, kio sendube signife
     influigus la individuan legxodonadon.


6    CIVILA SOCIETO:  SURVOJE AL EuxROPO DE REGIONOJ

6.1  La proceso pri komuna sekureco-sistemo estos ne limigita al
     la institucia nivelo: kontaktoj inter la homoj en kaj inter
     la landoj - en la kadro  de Euxropo de la Regionoj - estas
     necesaj por trovi dauxrigan solvon al multe da premigaj
     euxropaj problemoj. Asembleo de Euxropaj Regionoj kiel
     forumo de la civitanoj estos evoluigita ene de la KSKE. La
     KSKE ne estu nura klubo de diplomatoj kaj gxeneraloj;
     NGO-oj (ne-registaraj organizajxoj) devus esti aprobitaj
     kiel partneroj en la KSKE-procesoj. Ili devus esti
     legitimitaj referi en la KSKE-kunvenoj, kaj ili devus
     ankaux posedi la rajton de aliro al cxia dokumentaro kaj
     proponoj tuj post ties projektadoj.


7    REFORMO DE LA UNUIGxINTAJ NACIOJ

7.1  La UN devas estigxi pli demokrataj, por ke gxi povu roli
     centrale cxe la subteno de integrala paco kaj evoluigaj
     programoj. Ni kampanjos por la reformo de la Sekureco
     Asembleo cele reprezenti la tutmondajn regionojn, kaj ke la
     maljeso (Veto) estos forigita. Decidoj estu faritaj per
     kvalifikita plimulto.

7.2  La euxropaj Verduloj akzentas la neceson pri la polica rolo
     de la UN, por ke plia militara intensigo de ia ajn
     konflikto estu barita ("peace keeping"). La objekto de
     cxiuj formoj de interveno devas cxiam celi al procedo
     gvidante al la solvo de la konflikto, anstataux "glaciigi"
     gxin.

7.3  Ni plue urgxigos la establon de:

  a  UN-centroj por konflikt-solvado, pere de interpacigo-teamoj
     trejnitaj en cxiuj kulturaj kaj religiaj fonoj resp.
     sferoj,  cele "monitori" konfliktsferojn, kaj por ke ili
     ofertu siajn kapablojn, antaux ol perforto komencos.

  b  UN Kontrol Agentejo por frua averto kaj kontrolo de la
     negocoj.


-> Civitaneco>

-> Komenco de la Gvidlinioj">